نشرة الأحد الكنسية ( قسم التعازي ) ملبورن استراليا

نشرة الأحد الكنسية ( قسم التعازي ) ملبورن استراليا
script async src="//pagead2.googlesyndication.com/pagead/js/adsbygoogle.js">
نشرة الأحد الكنسية ( قسم التعازي ) ملبورن استراليا
ماكو يوم احد يمر وماكو تعازي وهسة الموديل صار حتئ لو كان الميت ابن خالة الي خيط بدلة العرس راح يسوون تعزية اله والموديل القديم رجع الساعة ثلاثة يحطوون غداء واكو ناس صدك همج ينتظرون لحد الساعة ثلاثة ويروحون للتعزية ومثل الهمج مايصدكون يهجمون علئ الاكل عبالك صارلهم سنين ما ماكلين والمصيبة من كثر التعازي الله لا يزيد ولا يبارك هسة صار الموديل الجديد تعازي بالعصر حقهم ماكو قاعات الظهر لان محجوزة لغير تعازي وهسة صار يوم الأحد بدل مايكون يوم العائلة يوم للتعازي من ساعة 2-5 ومن ساعة 5-8 واكيد كل واحد من اصحاب التعزية يبرهن حبه للميت بعدد صينيات القوازي والبيتزات والاكل الموجود والمصيبة اكو هواية منهم ما جانوا يحجون وَيَا الميت أصلا وبالتعزية تشوفه لابس اسود ومربي لحية علئ الأساس هلكد حزين ومتألم بابا كافي كلاوات وجذب واكو ناس أصلا يسوون التعازي هيج بدون سبب وهو والميت أصلا ما جانوا يطيقون بعض لو الميت جان بالعراق او متهجر بغير دولة ويتوسل بيه علمود يساعده والأخ دائما يكول والله ماعندي ومنين أساعدك ، كل هذا مو مشكلة المشكلة الحقيقية هي لمن تشوف واحد عرف وأول مايشوفك تعرف من نبرة صوته انه زعلان منك ولمن تسأله عن السبب يكول الأحد الماضي سويت تعزية لابن خالة بنت عمي وانت ما اجيت وسويت الواجب !!!!! بابا والله السالفة صارت مزعطة حتئ التعازي صارن مسخرة واصلا أغلبية التعازي صارت كعدات ترفيهية حتئ الصلاة مانصليها بأصول وهيج صلاة مو مقبولة ثانيا جاليتنا صارت كبيرة واكيد ماراح نعرف أسامي الكل وصلة القرابة واذا مارحت لتعزية ابن خالة عمة ابن عّم ابن خالة الي خيط بدلة العرس اكو ناس راح يزعلون ، محي ميثي مخي ميثي صلي شلاما عمان
saad petros
موقع زاخو
www.zaxota.com
رابط مختصر
2017-05-28 2017-05-28
أترك تعليقك
0 تعليق
admin